الأحد، 2 يوليو 2017

◄يا عم الحج؟ ما تبصيليش بعين رازية

يا عم الحج؟ ما تبصيليش بعين رازية
مطلوب منى التبرع بفلوسى لمستشفى السرطان القديمة ، و الجديدة ومستشفي ٥٠٠٥٠٠ ، ومجدى يعقوب ، والحروق ..
واتبرع بهدومى في جمعية رسالة ، واتبرع بأكلى لبنك الطعام المصري ، واطلع شنط في رمضان ، واطلع زكاة مالي وصدقة الفطر ..
وادفع الضرائب ، ودمغة ، وكارتات .. وإمكانيات .. واكرمش عشرينات ، وكمان اوصل مواسير مية عشان الست الغلبانة متشربش مية بطحالب
واستحمل أيضا غلاء أسعار الدواء .. والبنزين ،
والمحذوفات .. والزيت ، والسكر .. والأرز.. والدروس الخصوصية .. والكهرباء وكسوة الشتاء والصيف وغيره وغيره
....
طيب نفكر خارج الصندوق يا أهل الخير 
………………ّّّ
الدقيقه الإعلانيه كانت من 5سنين ب ١٠٠ الف يعنى إعلان فودافون أو غيرها لو اتذاع ٥ مرات فى اليوم بمليون من غير أجور الفنانين (ده من 5 سنين) ، وأجور الفنانين فى إعلان اتصالات ٢٠١١ بتاع يسرا أو محمد منير كان ٣٥ مليون جنيه ...
يعنى كل شركة من شركات المحمول ممكن تكون صرفت فى رمضان فقط خلال السبع سنوات اللى فاتوا ٢٠٠ مليون للدعاية و اتخصموا من ضرايبها كمان ..
الأفضل لينا كمواطنين والأفضل لشركات الاتصالات وللدولة كان ممكن يبقى عندنا ..
مستشفى فودافون للأورام
ومستشفى أورانج للحوادث
ومركز بيبسى كولا لزرع القوقعه للأطفال الصم
ومستشفى اتصالات لأبحاث أمراض الكبد
ويضعوا اسماءهم على المستشفى و على تذاكر المرضى و على بالطوهات الدكاترة وعلى علب الدواء كمان ويكتب الله لهم قصورا في الجنه أو يتم تحسين الخدمة بالفلوس دي كلها ....
……………………


مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)